Starfsfólk Lyfja og heilsu tóku sig saman og ákváðu að þiggja ekki jólagjafir frá fyrirtækinu þetta árið. Þess í stað ákvað fólkið að gefa andvirði jólagjafa til þeirra sem þyrftu á aðstoð að halda þessi jólin. Fyrir valinu varð Fjölskylduhjálp Íslands og er andvirðið kr. 1.500.000. Samkvæmt Ásgerði formanni Fjölskylduhjálparinnar kemur þetta fé sér mjög vel og á besta tíma þar sem erfitt var orðið að sinna neyðarhjálp núna fyrir jólin vegna skorts á fjármagni. Á myndinni má sjá Guðna B. Guðnason forstjóra Lyfja og heilsu ásamt Hákoni Steinssyni, formanni starfsmannafélags Lyfja og heilsu afhenda gjöfina til Ásgerðar og stelpnanna sem stjórna Fjölskylduhjálpinni.
