Herbimoss inniheldur útdrátt úr fjallagrösum. Lyfið er hefðbundið náttúrulyf sem notað er til að draga úr ertingu í slímhúð í munni og koki ásamt þurrum hósta, hjá fullorðnum og unglingum 12 ára og eldri.

Ráðlagður skammtur fyrir fullorðna og unglinga 12 ára og eldri er 1 munnsogstafla átta sinnum á dag. Ekki á að borða eða drekka strax eftir að Herbimoss er tekið, þar sem það gæti fjarlægt lyfið of snemma af slímhúð í munni og koki.

Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á sérlyfjaskrá

Hver munnsogstafla inniheldur 3 mg af útdrætti (sem þurr útdráttur) úr Cetraria islandica (L.) Acharius s.l., thallus (sem jafngildir 90 mg til 120 mg af fjallagrösum). Leysir til útdráttar: vatn. Hjálparefni með þekkta verkun Hver munnsogstafla inniheldur 2.432,10 mg af ísómalti og 0,0006 mg af bútýlhýdroxýanisóli (E320).