Andhistamín dregur úr ofnæmiseinkennum með því að koma í veg fyrir áhrif histamíns sem er framleitt í líkamanum. Flynise er ofnæmislyf sem almennt veldur ekki syfju. Það vinnur gegn ofnæmisviðbrögðunum og einkennum þeirra. Flynise dregur úr einkennum ofnæmisnefkvefs (bólga í nefgöngum vegna ofnæmis, t.d. frjónæmi eða ofnæmi fyrir rykmaurum) hjá fullorðnum og unglingum 12 ára og eldri. Einkennin eru m.a. hnerrar, nefrennsli og kláði í nefi, kláði í efri góm, kláði, roði eða tár í augum. Flynise er einnig notað gegn einkennum er tengjast ofsakláða (ofnæmisviðbrögð í húð). Þessi einkenni eru m.a. kláði og upphleypt útbrot.

Markaðsleyfishafi Actavis Group PTC ehf.

Lyfið er til inntöku og skal gleypa töfluna heila, taflan er filmuhúðuð. Varðandi meðferðarlengd þá mun læknirinn ákvarða tegund ofnæmiskvefsins sem þú þjáist af og ákvarða hve lengi þú átt að taka Flynise. Leitið til læknis ef sjúkdómseinkenni versna eða lagast ekki innan 7 daga. Kynnið ykkur notkunarleiðbeiningar, varnaðarorð og frábendingar áður en lyfið er notað. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is

Flynise inniheldur 5 mg af virka efninu desloratadini